R A S U K A N T A Q W A

Kabudayan :

Busana Tradhisi Jawa  ( Surjan )

A.Purwaka  :

Miturut lenggahipun ing gumelaring jagad-raya menika, saben Bangsa  nggadhahi  kabudayan bab Pengageman utawi Busana. Manawi dipun  penggalih busana mujudaken  gegambaran : kapribaden, jati-dhiri, kabudayan sarta “peradaban”  tumrapipun Bangsa  lan Negari.  Busana menika   dipun wontenaken ( ciniptakaken ) kangge  pirantos  lan sarana  kangge  nyekapi mawarni-warni kabetahan, kadosta  :

1. Kangge njagi kasarasan lan kawilujengan supados  kalis  saking  dhatengipun sesakit, memala, lan  bebaya  ingkang   asalipun  saking  kawontenaning   alam ing  Donya  menika.
2. Kangge  njagi  kalanggengan  sarta  kaselarasaning  gesang  bebrayan  ing  Masyarakat.
3. Tangge  tandha beda-bedaning  kalenggahan  lan pakaryan,  sarta  kangge tandha  Uba-rampening Upacara.
4. Kangge  mbedakaken  tataran  andhap – inggiling  kapribaden saha lebet – cetheking  raos kabudayaning  manungsa, Bangsa lan Negari  ing sa-indenging  jagad menika.

Alandhesan cathetan Sejarah busana Kejawen gagrag Ngayogyakarta  mliginipun  Busana / Rasukan Taqwa  utawi Surjan  menika  warisan  khasanah Tata-Busana  Mataram  wiwit  Jaaman Panembahan Senopati  ing Mataram Kota Gedhe.

     Busana Taqwa  kagem  ing Upacara Sungkeman

                                 ( Gambar  1.) 

B.UBA-RAMPE  BUSANA TAQWA  ( SURJAN )

1. Dhesthar  utawi Udheng  Blangkon  mawi mondholan

2. Rasukan   Taqwa / Surjan

3. Sabuk  utawi Lonthong  sarta  Stagen rangkepan

4. Kamus  sarta Timang  lan Lerep

5. Nyamping /  sinjang  bathik “Sogan” utawi bebet (kawiru kiwa – tengen)

6. Cenela  utawi Selop

7. Dhuwung / Wangkingan / Keris. Dhapur “branggah / ladrangan”  lan

    “gayaman”  cengkok Mataraman Ngayogyakarta.

Tambahan :

1.Kacu abrit

2.Peniti / Bross

3.Anggar/ manggaran kangge  nggantung  dhuwung

4.Nampan / Baki  ( kangge  wadhah ageman ).

                             Uba-rampe  busana Taqwa  / Surjan

                                                ( Bambar : 2)

C. CARA  NGAGEM BUSANA  TAQWA :

Baki utawi Nampan  kangge  wadhah  nyamektakaken  busana  ingkang  badhe  dipun agem,

Inggih  menika  :

1. Dhesthar  utawi  Blangkon kapapanaken wonten ing  “klebut”
2. Rasukan Surjan /Taqwa  dipun setrika rumiyin
3. Sabuk / lonthong   dipun  gulung  rapi
4. Kamus  sarta Timang  lan Lerep  dipun pasanng  lajeng  kagulung  dados satunggal
5. Nyamping  utawi Sinjang  /  Bebet  dipun  wiru  rumiyin.Ingkang  wonten  asta  Tengen

Angsal ngajeng,  dene asta  kiwa ngasta  wiron “nglebet” winastanan “Wiron Pengasih”

      6.   Cenela  utawi Selop  ing  perangan   ngajeng   katutup, driji  suku boten ketingal.

      7.    Dhuwung/Keris/ Wangkingan   patrap  ngagemipun  wonten  ing  tengah-tengahing 

             Lonthong utawi sabuk  ing  sawingkingipun badan  “miring manengen” kawastanan

             “klabang pinipit” Yen jejeg kasebat “Satriya Wirang”   dipun awisi./ boten kenging.

Wewahan / Tambahan :

Pangangge utawi  uba-rampe  kangge  njangkepi Busana  Taqwa  menika  sifatipun  mnanasuka, liripun  dipun  angge inggih sae, boten dipun  angge  inggih boten   dipun  lepataken. Inggih menika :

1. Kacu Abrit :

Inggi menika  sapu-tangan warni Abrit  ingkang   dipun  lempit-lempit  kadosaken satunggal kalihan  Wiron perangan  ngajeng  (njawi).

2        Peniti Bross:

Dipun pasang  ing  dhadha  sisih kiwa  supados  ketingal  resep, saged  awujud  PIN  utawi  tandha cihna  sanesipun. Ing  Kraton Ngayogyakarta tandha cihna  arupi “HB” ringkesaning  tembung  “Hamengku Buwana”.

      3.  Anggar utawi Manggaran :

            Pirantos   kangge  mbekta dhuwung  yen  kaleres  boten   dipun agem.  Cara ngagemipum 

            kagantung  ing  kamus-timang  iring  kiwa.

5. Nampan  / Baki :

Pirantos  kangge  nyamektakaken  busana    ingkanfg  badhe   dipun GEM.

D.PIGUNANIPUN  RASUKAN TAQWA :

Busana  utawi   Rasukan Taqwa  kalebet  ageman   resmi  ingkang  saged   dipunginakaken  ing   sak-wernining  kabetahan.  

1. Ing  tengahing  bebrayan Masyarakat :

            Tumrap Pribadi  :

Kangge   ngrawuhi pawiwahan   Penganten,   minangka Pamedhar – Sabda,   utawi

Yen  pinuju  kapatah   dados   Pranatacara   ( M C )  ing  Pawiwahan  dhaupipun  Penganten, Sungkeman ngabekten  lsp.

            Tumrap Kelompok :

·         Kangge  seragamipun Among Tamu

·         Kangge  seragamipun Pramuladi  ( Sinoman )

·         Kangge  seragamipun  Pngrawit / Wiyaga

·         Kangge agemipun Warga Nitiniya  ( Panitia )

2. Ing  salebeting  Kraton :

     

            Dipun  agem  “Ngarsa Dalem  Sri Sultan  Hamengku Buwana X  nalika  nampi 

Sowanipun  Rayi-rayi Dalem  sami   Sungkeman. / Ngabekten.

            Dipun agem dening  para  Sentana  Dalem /  Rayi - rayi Dalem  ing  salebeting

Adicara Sungkeman. Ing   salebeting  Kraton.

  E    :  U  D  A  N  I  :

Ewah – gingsiring  kawontenan  ing  pucuking  lengen   kiwa-tengen  dipun  paringi

Benik ( kancing   baju )  5   cacahipun  winastan  “belah banten” nggadhahi makna Tiyang   Jawi  kedah waspada  awit   mlebeting  panggodha  menika  lumantar “panca driya”  inggih  menika  :

1. Pandulu  ( paningal )                 bobotipun    51 %

2. Pamireng   (  talingan )              bobotipun     24 %

3. Pangganda    ( grana  /  irung )  bobotipun      13,5 %

            4. Pangrasa       (  kulit   )               bobotipun       6 %  

            5. Pangecap        (   ilat   )               bobotipun       5,5 %    

 F.  WERDINE  RASUKAN  TAQWA   :

            1. Potongan  nutup  dhadha kiwa-tengen  : Tiyang  Jawi  boten remen  ngetingalaken

                dhadhanipun  ( boten purun umuk )  watak adigang, adigung, adiguna.  

            2. Lengen tangan tanpa kancing, maknanipun : Tetiyang  yen  niyat tetulung  dhateng 

          tiyang  sanes  kedah  ingkang  iklas.

      3. Tangkepan   Rasukan saking  kiwa – manengen  maknanipun :  Tiyang  gesang  kedah

          Tumindak ingkang  “ngiwa”  utawi sisip.                      

                                                 Kagem Warga Nitinia /  Panitia 

                                                              (  Gambar : 3 )